Œuvres complètes, 1613· Premieres Œvvres de M. Regnier
La C. p
Infame bastard de Cythere,Fils ingrat d’vne ingrate mere,Auorton, traistre et deguisé,Si ie t’ay suiuy des l’enfance,De quelle ingrate recompenceAs tu mon seruice abusé ?
Mon cas fier de mainte conquesteEn Espagnol portoit la teste,Triomphant, superbe et vainqueur,Que nul effort n’eust sceu rabattre,Maintenant lasche et sans combatreFaict la cane, et n’a plus de cœur.
De tes Autels vne PrestresseL’a reduict en telle detresseLe voyant au choc obstiné,Qu’entouré d’onguent et de linge,Il m’est auis de voir vn singeComme vn enfant embeguiné.
Sa façon robuste et raillardePend l’aureille et n’est plus gaillarde,Son teint vermeil n’a point d’esclat,De pleurs il se noye la face,Et faict aussi laide grimaceQu’vn boudin creué dans vn plat.
Aussy penaud qu’vn chat qu’on chastre,Il demeure dans son emplastre,Comme en sa coque vn limaçon,En vain d’arrasser il essaye,Encordé comme vne lamproyeIl obeyt au caueçon.
Vne saliue mordicanteDe sa narine distillanteL’vlcere si fort par dedans,Que crachant l’humeur qui le piqueIl baue comme vn pulmoniqueQui tient la mort entre ses dents.
Apollon, dés mon âge tendrePoussé d’vn courage d’apprendreAupres du ruisseau Parnassin,Si ie t’inuocqué pour Poëte,Ores en ma douleur secreteIe t’inuocque pour medecin.
Seuere Roy des destinées,Mesureur des vistes années,Cœur du monde, œil du firmament,Toy qui presides à la vie,Garis mon cas ie te supplieEt le conduis à sauuement.
Pour recompense dans ton Temple,Seruant de memorable exempleAux ioüeurs qui viendront apres,I’appendray la mesme figureDe mon cas malade en peintureOmbragé d’ache et de cyprés.
54 vers· texte et analyse du Corpus Malherbe (Richard Renault, CRISCO, Université de Caen Normandie), licence CC BY-NC-SA 4.0· d'après Œuvres complètes, Paris, A. Lemerre, 1875· numérisation gutenberg.fr· Sources