Œuvres complètes, 1613· Œvvres Posthvmes
Svr la nativité de Nostre Seignevr,
Par le commandement du Roy Louis XIII. pour sa Musique de la Messe de minuit
Pour le salut de l’Vnivers,Aujourd’huy les Cieux sont ouvers,Et par vne conduite immense,La grace descend dessus nous,Dieu change en pitié son courroux,Et sa Iustice en sa Clemence.
Le vray Fils de Dieu Tout-puissant,Au fils de l’homme s’vnissant,En vne charité profonde,Encor qu’il ne soit qu’vn Enfant,Victorieux et triomphant,De fers affranchit tout le monde.
Dessous sa divine vertu,Le peché languit abbatu,Et de ses mains à vaincre expertes,Etouffant le serpent trompeur,Il nous assure en nostre peur,Et nous donne gain de nos pertes.
Ses oracles sont accomplis,Et ce que par tant de replisD’âge, promirent les Prophetes,Aujourd’huy se finit en luy,Qui vient consoler nostre ennuy,En ses promesses si parfaites.
Grand Roy, qui daignas en naissant,Sauver le Monde perissant,Comme Pere, et non comme Iuge,De Grace comblant nostre Roy,Fay qu’il soit des meschans l’effroy,Et des bons l’assuré refuge.
Qu’ainsi qu’en Esté le Soleil,Il dissipe, aux rays de son œil,Toute vapeur, et tout nuage,Et qu’au feu de ses actions,Se dissipant les factions,Il n’ayt rien qui luy fasse ombrage.
36 vers· texte et analyse du Corpus Malherbe (Richard Renault, CRISCO, Université de Caen Normandie), licence CC BY-NC-SA 4.0· d'après Œuvres complètes, Paris, A. Lemerre, 1875· numérisation gutenberg.fr· Sources