Sur le Balet du roy

Pour monseigneur le doc de Montmorency.

Celle pour qui je veux mourirMe fait un mal si favorableQue, si l’on me venoit guerir.On me rendroit bien miserable.

Un roy pour des tourmens si douxQuitteroit toutes ses delices,Et, me voyant, seroit jalouxDe mes fers et de mes supplices.

Aussi, pour mieux favoriserLe divin secret de ma flame,Mon front s’est voulu deguiser,Se peur de descouvrir mon ame.

C’est ainsi que le roy des Dieux,Picqué de quelque beau visage,Prenoit, en devalant des cieux,Tousjours un masque à son usage ;

Et, desguisant sa majesté,Pour complaire à sa frenesie,Il avoit pour chaque beautéUne forme à sa fantaisie.

Pour moy, si mes vœux avoient lieu,On verroit ma figure humaineBien tost se changer en un dieu,Non pas pour moins souffrir de peine,

Mais plustost pour sçavoir ainsiConserver le mal qui me presse,Et pour estre plus digne aussiDe l’amitié d’une Deesse.

Pleustau ciel qu’un jour seulementJupiter m’eust donné sa face,Et qu’il voulust pour un momentMe laisser regner en sa place !

J’ordonnerois que les autelsQue par tout l’univers on dressePour les Dieux ou pour les mortelsNe seroient que pour ma maistresse.

Le Temps, serf de ses volontez,Comme moy luy rendant hommage,Laisseroit vivre ses beautezSans leur faire jamais outrage.

Je commanderais aux zephirsDe produire une fleur nouvelle,Toute de flame et de souspirs,Où je serois peint avec elle.

Quelque si cher contentementDont Jupiter nous fasse envie,La terre seroit l’elementOù nous voudrions passer la vie.

Paris seroit notre sejour,Et, dans ceste joye infinie,Rien que moy, la paix et l’amourNe seroit en sa compagnie.

52 vers· texte et analyse du Corpus Malherbe (Richard Renault, CRISCO, Université de Caen Normandie), licence CC BY-NC-SA 4.0· d'après Œuvres complètes, Paris, P. Jannet, 1855· numérisation numelyo.bm-lyon.fr· Sources