Œuvres complètes, 1632· Ire PARTIE
Stances
Dans ce temple où ma passionMe mit dedans le cœur les beautés de ma dameJe benissois l’amour, encore que sa flammeDestournast ma devotion.
Au lieu de penser à nos DieuxJ’adorois, vous voyant, l’image de Diane,Et m’estimois heureux de devenir profaneEn me consacrant à vos yeux.
Ce fut avec de mesmes traictsQue la mere d’Amour perça le cœur d’Anchise ;Suis-je pas glorieux de donner ma franchise,A la mercy de ses attraits ?
A ce premier ravissementMon ame triompha de se sentir blessée,Et l’autel m’eust despieu d’oster à ma penséeL’entretien d’un si doux tourment.
Me deust le ciel faire perir,Je mesure ma peine avecques mes années,Et l’amour se fait fort d’oster aux destinéesLa puissance de me guerir.
Au poinct que ceste ardeur m’a mis,Mon superbe bon-heur se mocque de l’envie,Et, quelque mal qui vienne à menacer ma vie,Je me ris de mes ennemis.
Tout ce monde de poursuivansMe fait perseverer avecques plus de joye :Ce renommé Jason n’eust jamais eu sa proyeS’il eust craint la mer ny les vens.
Soubs l’auspice de vostre loyIl n’est point de grandeur que mon esprit ne brave,Et le mesme accident qui me faict estre esclave,Il me semble qu’il m’a faict roy.
32 vers· texte et analyse du Corpus Malherbe (Richard Renault, CRISCO, Université de Caen Normandie), licence CC BY-NC-SA 4.0· d'après Œuvres complètes, Paris, P. Jannet, 1856· numérisation numelyo.bm-lyon.fr· Sources